სახლში შეჭრა შეშლილმა პირმა სცადა, - ამის შესახებ აშშ-ის ვიცე-პრეზიდენტი, ჯეი დი ვენსი აცხადებს.

„რამდენადაც ვიცი, სახლში შეჭრა შეშლილმა პირმა ფანჯრების ჩაქუჩით ჩამსხვრევით სცადა. სახლში არ ვიმყოფებოდით, რადგან უკვე ვაშინგტონში დავბრუნდით“, - წერს ვენსი X-ზე.

აშშ-ის ვიცე-პრეზიდენტმა საიდუმლო სამსახურსა და ცინცინატის პოლიციას სწრაფად მოქმედებისთვის მადლობა გადაუხადა.

შეგახსენებთ, აშშ-ის საიდუმლო სამსახურის ცნობით, მამაკაცმა ოჰაიოში ჯეი დი ვენსის სახლი დააზიანა, კერძოდ ფანჯრები ჩაამსხვრია. მედიაში გავრცელებული ინფორმაციით, საიდუმლო სამსახურმა ეჭვმიტანილი, 26 წლის უილიამ დეფური დააკავა.