ვენესუელას პრეზიდენტის მოვალეობის შემსრულებელი დიდი ბრიტანეთის სანქციების ქვეშ არის, - ინფორმაციას Sky News-ი ავრცელებს.

გამოცემის ცნობით, დიდმა ბრიტანეთმა დელსი როდრიგესს სანქციები 2020 წელს დაუწესა და დღემდე სანქციების სიაში რჩება.

„საფუძვლიანი ეჭვი არსებობს, რომ მისმა ქმედებებმა საპრეზიდენტო კომისიასა და საკანონმდებლო ასამბლეაში, ვენესუელაში დემოკრატიასა და კანონის უზენაესობას ძირი გამოუთხარა“, - ნათქვამია დიდი ბრიტანეთის სანქციების დოკუმენტში.

როდრიგესის წინააღმდეგ დიდი ბრიტანეთის სანქციები ფინანსურია, რაც მისი აქტივების გაყინვას გულისხმობს.

ამასთან, გამოცემის ინფორმაციით, სანქციების ქვეშ ვენესუელას მთავრობის სხვა წევრებიც არიან, თუმცა, თავად დაკავებული პრეზიდენტი, ნიკოლას მადურო სიაში არ არის.