დონალდ ტრამპი - შესვლამდე ვენესუელის მთავარ ადგილებში დენი გავთიშეთ, ოპერაციამ დაადასტურა, რომ აშშ-ს ყველაზე შიშისმომგვრელი სამხედრო ძალა ჰყავს მსოფლიოში - ბევრი სამხედრო გვყავდა მიწაზე, ეს შესანიშნავი იყო
შესვლამდე ვენესუელის მთავარ ადგილებში დენი გავთიშეთ, ბევრი სამხედრო გვყავდა მიწაზე. ამის შესახებ აშშ-ის პრეზიდენტმა, დონალდ ტრამპმა განაცხადა.
მისი თქმით, ვენესუელის პრეზიდენტის, ნიკოლას მადუროს დაკავების სარისკო ოპერაციამ დაადასტურა, რომ აშშ-ს "ყველაზე შიშისმომგვრელი" სამხედრო ძალა ჰყავს მსოფლიოში.
"ბევრი სამხედრო გვყავდა მიწაზე, მაგრამ ეს შესანიშნავი იყო. გენიალური იყო ტაქტიკურად", - განაცხადა ტრამპმა.
მისი თქმით, ქვეყანაში შესვლამდე აშშ-მა ვენესუელის მთავარ ადგილებში დენი გათიშა, რამაც სამხედროებს მოულოდნელობის ელემენტი მისცა, როდესაც მადუროს სახლს უახლოვდებოდნენ. "და დაფიქრდით, არავინ იქნა მოკლული. და მეორე მხარეს, ბევრი ადამიანი იქნა მოკლული", - განაცხადა ტრამპმა.
