დონალდ ტრამპი - ვენესუელა აშშ-ს 30-50 მილიონ ბარელ ნავთობს გადასცემს
მოხარული ვარ გაცნობოთ, რომ ვენესუელას დროებითი ხელისუფლება ამერიკის შეერთებულ შტატებს 30-დან 50-მდე მილიონ ბარელ მაღალი ხარისხის, სანქცირებულ ნავთობს გადასცემს, - ამის შესახებ აშშ-ის პრეზიდენტი დონალდ ტრამპი სოციალურ ქსელში წერს.
მისი თქმით, ამ ნავთობისგან მიღებულ შემოსავლებს თავად გააკონტროლებს.
„ეს ნავთობი საბაზრო ფასად გაიყიდება და ამ თანხას მე, როგორც ამერიკის შეერთებული შტატების პრეზიდენტი, გავაკონტროლებ, რათა უზრუნველვყოთ მისი გამოყენება ვენესუელასა და ამერიკის შეერთებული შტატების ხალხის სასარგებლოდ!“- წერს ტრამპი.
მისი განცხადებით, ენერგეტიკის მინისტრს კრის რაიტს აღნიშნული გეგმის დაუყოვნებლივ განხორციელება სთხოვა.
