კომპანია „ენერგო-პრო ჯორჯიას“ ინფორმაციით, ქსელის გეგმური სარეაბილიტაციო სამუშაოების გამო, 9 იანვარს, 13:00 საათიდან 18:00 საათამდე, ელექტროენერგიის მიწოდება შეეზღუდებათ აბონენტებს მცხეთის მუნიციპალიტეტის სოფლებში წილკანი, ფრეზეთი, ერედა, სელექცია, ნატახტარი და მიმდებარე სოფლებში.

კომპანიის ცნობითვე, 15:00 საათიდან 18:00 საათამდე, ელექტროენერგიის მიწოდება შეეზღუდებათ აბონენტებს დუშეთის მუნიციპალიტეტის სოფლებში ლამოვანი, მჭადიჯვარი, ჭილურტი და მიმდებარე სოფლებში; 17:00 საათიდან 18:00 საათამდე, აბონენტებს თბილისის მუნიციპალიტეტში სოფელ გლდანში და ავჭალის მასივში.

„ენერგო-პრო ჯორჯიას“ ინფორმაციით, სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში.