პუტინს ევროპის არ ეშინია, მას აშშ-ის ეშინია, - ამის შესახებ აშშ-ის პრეზიდენტმა, დონალდ ტრამპმა თეთრ სახლში ნავთობისა და გაზის კომპანიების დირექტორებთან შეხვედრაზე განაცხადა.

„ევროპა უკრაინისთვის ბევრს აკეთებს, მაგრამ ეს საკმარისი არ არის. რა თქმა უნდა, პუტინს ევროპის არ ეშინია, მას აშშ-ის ეშინია. მას აშშ-ის ეშინია, რომელსაც მე ვუძღვები. ევროპის არ ეშინია. ევროპა ჩამორჩენას აგრძელებს. ეს ჯეი დი ვენსმა მკაფიოდ თქვა. ევროპა სხვა ადგილი გახდა. ევროპა იცვლება. მე მიყვარს ევროპა. ჩემი ფესვები ევროპაშია“, - განაცხადა აშშ-ის პრეზიდენტმა.

ასევე, კითხვაზე, რუსეთის პრეზიდენტის, ვლადიმერ პუტინის დასაკავებლად სამხედრო ოპერაციის ბრძანებას გასცემდა თუ არა, ტრამპმა უპასუხა, რომ „ეს საჭირო არ იქნება“.

„ვფიქრობ, ეს საჭირო არ იქნება. მასთან ყოველთვის შესანიშნავი ურთიერთობა მქონდა. თუმცა, ძალიან იმედგაცრუებული ვარ. რუსეთის ეკონომიკა ძალიან ცუდ მდგომარეობაშია. ვფიქრობ, საბოლოოდ შეთანხმებას მივაღწევთ“, - აღნიშნა ტრამპმა.