უკრაინის პრეზიდენტის ვოლოდიმირ ზელენსკის განცხადებით, საჰაერო თავდაცვის რაკეტები პარტნიორი ქვეყნების საწყობებშია და უკრაინას უნდა გადასცენ.

მისი თქმით, უკრაინის შეიარაღებული ძალების მთავარსარდალ ალექსანდრ სირსკისთან, ძირითადად საჰაერო თავდაცვისა და პარტნიორების მხრიდან მიწოდების შესახებ ისაუბრა: „რა არის გზაში, რა არის საჭირო, რა საკიხების რეალიზება არ მომხდარა აქამდე და რა უნდა დაჩქარდეს“.

„პირველი პრიორიტეტი საჰაერო თავდაცვის რაკეტებია. გვჭირდება პარტნიორების მხრიდან ახალი შენატანები PURL-ის პროგრამაში და ასევე გვჭირდება მოწოდება ევროპაში არსებული საწყობებიდან. რაკეტები საწყობებშია და ჩვენ ეს ვიცით და ყველამ იცის - ჩვენს ცის დამცველებს უნდა ჰქონდეთ“, - აღნიშნა ზელენსკიმ.

ასევე, უკრაინის პრეზიდენტის თქმით, ეროვნული უშიშროებისა და თავდაცვის საბჭოს მდივანმა რუსტემ უმეროვმა მიაწოდა ინდორმაცია ამერიკულ მხარესთან მისი ურთიერთობის შესახებ.

„ვგეგმავთ შეხვედრებისა და შემდგომი მოლაპარაკებების გრაფიკს და უკრაინა ამ მხრივ მაქსიმალურად კონსტრუქციული და სწრაფია“, - განაცხადა ზელენსკიმ.