გრენლანდია დანიის ნაწილი და ნატო-ს წევრია, - ამის შესახებ გრენლანდიის მთავრობის მიერ გავრცელებულ განცხადებაშია ნათქვამი.

გრენლანდიის მთავრობა აცხადებს, რომ აშშ-ის სურვილს, კუნძულზე კონტროლი დაამყაროს „ვერავითარ შემთხვევაში ვერ მიიღებს“ და „ძალისხმევას გააძლიერებს, რათა მისი ტერიტორიის დაცვა ნატო-ს ფარგლებში განხორციელდეს“.

„ნატო-ს ყველა წევრს, მათ შორის აშშ-ის, გრენლანდიის თავდაცვის მიმართ საერთო ინტერესი აქვს, ამიტომ გრენლანდიის სამთავრობო კოალიცია დანიასთან ერთად იმუშავებს, რათა გრენლანდიის თავდაცვის საკითხებზე დიალოგი ნატო-ს თანამშრომლობის ფარგლებში განხორციელდეს“, - ნათქვამია განცხადებაში.

განცხადების თანახმად, გრენლანდიის მთავრობა „მიიჩნევს, რომ გრენლანდია მუდმივად დასავლური თავდაცვითი ალიანსის ნაწილი იქნება“.