ირანის რეჟიმმა ინტერნეტი გამორთო, რათა ჩუმად მკვლელობის და ჩაგვრის შესაძლებლობა ჰქონოდეს. ეს შეუწყნარებელია, ჩვენ ირანელი ხალხის გვერდით ვდგავართ - როგორც ქალების, ასევე მამაკაცების, - ამის შესახებ ფინეთის საგარეო საქმეთა მინისტრი, ელინა ვალტონენი სოციალურ პლატფორმა X-ზე წერს.

მისი თქმით, მიმდინარე მოვლენებთან დაკავშირებით ირანის ელჩს უწყებაში დაიბარებს.

„დღეს დილით ირანის ელჩს დავიბარებ. ევროკავშირთან ერთად, ფინეთი სწავლობს ზომებს, რათა ხელი შეუწყოს ირანელი ხალხის თავისუფლების აღდგენას“,- წერს ფინეთის საგარეო უწყების ხელმძღვანელი.