თბილისის სატრანსპორტო კომპანიაში აცხადებენ, რომ მეტროსადგურ "რუსთაველზე" მატარებლის ტექნიკური ხარვეზის გამო დაკვამლიანება იყო და ხაზიდან მოიხსნა - ამ დროისთვის, მეტროსადგური ჩვეულ რეჟიმში მუშაობს
მეტროსადგურ "რუსთაველზე" მატარებლის ტექნიკური ხარვეზის გამო დაკვამლიანება იყო.
როგორც "ინტერპრესნიუსს" თბილისის სატრანსპორტო კომპანიაში განუცხადეს, ტექნიკური ხარვეზის გამო საჭირო გახდა მატარებლის ხაზიდან მოხსნა.
"ხანძარი არ ყოფილა. ტექნიკური ხარვეზიდან გამომდინარე იყო დაკვამლიანება. შეფერხება გვქონდა სულ რაღაც 5 წუთი. მეტროსადგური "რუსთაველი" ჩვეულებრივ რეჟიმში განაგრძობს მუშაობას",- აცხადებენ სააგენტოში.
