აშშ-ის პრეზიდენტის დონალდ ტრამპის განცხადებით, თუ ირანის ხელისუფლება მის წინააღმდეგ მკვლელობის მუქარას გააგრძელებს, მაშინ „ირანი აღიგვება პირისაგან მიწისა“.

„თუ რაღაც მოხდება, მაშინ მთელი ქვეყანა აფეთქდება. მათ ძალიან ძლიერად დავარტყამთ“, - განაცხადა აშშ-ის პრეზიდენტმა NewsNation-თან ინტერვიუში.

დონალდ ტრამპმა აღნიშნა, რომ ირანის მხრიდან მუქარის გაგრძელების შემთხვევაში მას აშშ-ის მოქმედებისთვის „ძალიან მკაცრი მითითებები“ აქვს გაცემული.

ასევე, ტრამპმა აშშ-ის ყოფილი პრეზიდენტი, ჯო ბაიდენი გააკრიტიკა და განაცხადა, რომ მას ირანის მუქარაზე ძლიერი პასუხი უნდა გაეცა.

„პრეზიდენტმა პრეზიდენტი უნდა დაიცვას. მე მუქარას გადამწყვეტ პასუხს გავცემდი, მაშინაც კი, თუ ის პრეზიდენტის წინააღმდეგ არ იქნებოდა მიმართული“, - აღნიშნა ტრამპმა.