საფრანგეთი გრენლანდიაში ნატო-ს წვრთნების ჩატარებას ითხოვს, - ინფორმაციას ფრანგული ტელეკომპანია BFMTV-ი ელისეის სასახლეზე დაყრდნობით ავრცელებს.

„საფრანგეთი გრენლანდიაში ნატოს წვრთნების ჩატარებას ითხოვს და მონაწილეობისთვის მზადაა“, - აცხადებს საფრანგეთის პრეზიდენტის ადმინისტრაცია.

შეგახსენებთ, გასულ კვირას, რამდენიმე ევროპულმა ქვეყანამ, მათ შორის საფრანგეთმა, გერმანიამ და გაერთიანებულმა სამეფო, გრენლანდიაში სადაზვერვო მისიის ფარგლებში სამხედროები გაგზავნეს.

ამასთან, დავოსში გამგზავრებამდე აშშ-ის პრეზიდენტმა, დონალდ ტრამპმა თეთრ სახლში პრესკონფერენციაზე ჟურნალისტებს განუცხადა, რომ ამერიკის შეერთებული შტატები გრენლანდიასთან დაკავშირებით შეიმუშავებს გეგმას, რომლითაც ნატო კმაყოფილი იქნება.

კითხვაზე, თუ რაზეა წამსვლელი გრენლანდიაზე კონტროლის დასამყარებლად, ტრამპმა უპასუხა: „ამის შესახებ გაიგებთ“.

„ვფიქრობ, რაღაც მოხდება, რაც ყველასთვის ძალიან კარგი იქნება“, - აღნიშნა ტრამპმა.