გრენლანდიასთან დაკავშირებით შეთანხმების დეტალები მასზე მუშაობის დასრულების შემდეგ გამოქვეყნდება, - ამის შესახებ თეთრი სახლის პრესსპიკერმა, კეროლაინ ლევიტმა განაცხადა.

თეთრი სახლის პრესსპიკერის ცნობით, გრენლანდიასთან დაკავშირებით „მომავალი შეთანხმების ჩარჩოს“ დეტალები პროცესში ჩართულმა ყველა მხარემ უნდა შეათანხმოს.

„თუ ამ შეთანხმების მიღწევა მოხდება, რისი იმედიც პრეზიდენტ ტრამპს აქვს, მაშინ აშშ თავის ყველა სტრატეგიულ მიზანს მცირე დანახარჯებით, სამუდამოდ მიაღწევს“, - განაცხადა ლევიტმა.

ცნობისთვის, აშშ-ის პრეზიდენტმა დონალდ ტრამპმა გუშინ განაცხადა, რომ ნატო-ს გენერალურ მდივან მარკ რუტესთან „ძალიან პროდუქტიული შეხვედრის“ საფუძველზე, მათ „შექმნეს გრენლანდიასთან დაკავშირებით მომავალი შეთანხმების ჩარჩო“.

„ეს შეთანხმება, თუ ბოლომდე იქნება მიყვანილი, დიადი იქნება ამერიკის შეერთებული შტატებისა და ნატო-ს ყველა ქვეყნისთვის. ამ შეთანხმებაზე დაყრდნობით, არ დავაწესებ ტარიფებს, რომლებიც 1-ელ თებერვალს უნდა შესულიყო ძალაში“, - დაწერა ტრამპმა სოციალურ ქსელში.