არქტიკაში უსაფრთხოება მთლიანად ნატო-ს განსახილველი საკითხია, - ამის შესახებ დანიის პრემიერ-მინისტრმა, მეტე ფრედერიკსენმა განაცხადა.

დანიის პრემიერ-მინისტრი, მეტე ფრედერიკსენი აშშ-ის პრეზიდენტის, დონალდ ტრამპის განცხადებას გამოეხმაურა, იმის შესახებ, რომ ნატო-ს გენერალურ მდივან მარკ რუტესთან „ძალიან პროდუქტიული შეხვედრის“ საფუძველზე, მათ „შექმნეს გრენლანდიასთან დაკავშირებით მომავალი შეთანხმების ჩარჩო“.

„ბუნებრივია, რომ ეს საკითხი ნატო-ს გენერალურ მდივანსა და ამერიკის შეერთებული შტატების პრეზიდენტს შორის განიხილება“, - განაცხადა ფრედერიკსენმა.

მისი თქმით, ნატო-მ დანიის პოზიციის შესახებ იცის და ასევე, ფრედერიკსენმა აღნიშნა, რომ რუტესა და ტრამპს შორის მოლაპარაკებები დანიის სუვერენიტეტის შესახებ არ ყოფილა.

„დანიის სამეფოს არქტიკაში უსაფრთხოების გაძლიერების მიზნით მოკავშირეებთან კონსტრუქციული დიალოგის გაგრძელება სურს, იმ პირობით, რომ ეს ჩვენი ტერიტორიული მთლიანობის პატივისცემით მოხდება“, - აღნიშნა დანიის პრემიერ-მინისტრმა.