რუსეთის პრეზიდენტის თანაშემწემ იური უშაკოვმა დაადასტურა, რომ დღეს არაბთა გაერთიანებული საამიროების დედაქალაქ აბუ-დაბიში უკრაინის, აშშ-ისა და რუსეთის ოფიციალურ პირებს შორის შეხვედრა გაიმართება.

უშაკოვის თქმით, აბუ-დაბიში რუსეთის დელეგაციას მთავარი სადაზვერვო სამმართველოს ხელმძღვანელი ადმირალი იგორ კოსტიუკოვი უხელმძღვანელებს.

„შემიძლია დავამატო, რომ ჩვენმა დელეგაციამ რუსეთის პრეზიდენტისგან კონკრეტული ინსტრუქციები მიიღო, ამერიკელებთან დღევანდელი საუბრის ყველა დეტალის გათვალისწინებით“, - განაცხადა უშაკოვმა.

მისი თქმით, სამმხრივი შეხვედრის გარდა, კრემლის სპეციალური წარმომადგენელი კირილ დმიტრიევი და აშშ-ის წარმომადგენელი სტი უიტკოფი აშშ-რუსეთის ორმხრივ შეხვედრას უხელმძღვანელებენ.

უკრაინის პრეზიდენტმა, ვოლოდიმირ ზელენსკიმ დავოსის მსოფლიო ეკონომიკურ ფორუმზე განაცხადა, რომ 23 და 24 იანვარს არაბთა გაერთიანებულ საამიროებში უკრაინის, აშშ-სა და რუსეთის სამუშაო ჯგუფებს შორის მოლაპარაკებები გაიმართება.