გიორგი ვაშაძის პატიმრობის თითოეული დღე იყო უკანონო და უსამართლო, - ამის შესახებ “კოალიცია ცვლილებისთვის“ ერთ-ერთმა ლიდერმა, გიგა ლემონჯავამ ჟურნალისტებს რუსთავის ციხესთან განუცხადა, სადაც პოლიტიკოსები და ოჯახის წევრები “სტრატეგია აღმაშენებლის” ლიდერის, გიორგი ვაშაძის ციხიდან გამოსვლას ელოდებიან.

ლემონჯავას თქმით, გიორგი ვაშაძემ რამდენიმე თვე გაატარა აბსოლუტურად უკანონო პატიმრობაში.

„მისი პატიმრობის თითოეული დღე იყო უკანონო და უსამართლო. გიორგის ჩვენ დიდი ხანია ვიცნობთ, მასთან გვქონია პოლიტიკური თანამშრომლობა. მე ვარ დარწმუნებული, რომ გიორგი იქნება ერთიანობის გულშემატკივარი და მნიშვნელოვან როლს შეასრულებს ამ მიმართულებით“, - განაცხადა ლემონჯავამ.