შიიტი მუსლიმები იმამ ჰუსეინის დაბადების დღეს აღნიშნავენ
შიიტი მუსლიმები დღეს მესამე იმამის, ჰუსეინის დაბადების დღეს აღნიშნავენ. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.
„იმამი ჰუსეინი იყო წინასწარმეტყველ მუჰამედის შვილიშვილი, იმამ ალის მეორე ვაჟი. იმამ ჰუსეინი დაიბადა 626 წელს ქალაქ მედინაში და ტრაგიკულად დაიღუპა 680 წელს, ქარბალასთან.
რელიგიის საკითხთა სახელმწიფო სააგენტო საქართველოს შიიტ მუსლიმებს ულოცავს იმამ ჰუსეინის დაბადების დღეს, წარმატებებს უსურვებს მათ“,- ნათქვამია ინფორმაციაში.
