ევროპა ნელ-ნელა საკუთარ თავს ანადგურებს, - ამის შესახებ თეთრი სახლის ადმინისტრაციის ხელმძღვანელის მოადგილემ, სტივენ მილერმა Fox News-თან ინტერვიუში განაცხადა.

„ევროპა საკუთარ ენერგეტიკაზე რეგულაციებით, მწვანე ენერგიასა და სხვა ქვეყნებზე დამოკიდებულებით ნელ-ნელა საკუთარ თავს ანადგურებს. ევროპა საკუთარ თავს უპასუხისმგებლო მიგრაციული პოლიტიკით ანადგურებს. იგი წლების განმავლობაში საკუთარ შეიარაღებულ ძალებში ინვესტიციებს არ დებდა და საკუთარი თავდაცვის სუბსიდირებისთვის აშშ-ის იყენებდა“, - განაცხადა სტივენ მილერმა.

ასევე, მისი თქმით, „რუსეთს მხოლოდ აშშ-ის ეშინია“.

„თქვენ ფიქრობ, რომ რუსეთს ნატო-ს ქვეყნების უმეტესობის ეშინია? მიგაჩნიათ, რომ რუსეთს ევროპის ქვეყნების უმეტესობის ეშინია? მსოფლიოში ერთადერთი მოთამაშე, რომელსაც რუსეთი პატივს სცემს და რომლისაც ეშინია, ამერიკის შეერთებული შტატებია“, - აღნიშნა მილერმა.