უკრაინის პრეზიდენტმა ვოლოდიმირ ზელენსკიმ, რომელიც ვილნიუსში იმყოფება, ლიეტუვის საგარეო საქმეთა მინისტრ კიასტუტის ბუდრისს დამსახურების ორდენი გადასცა.

ლიეტუვის საგარეო საქმეთა მინისტრის განცხადებით, მისთვის დიდი პატივია უკრაინის პრეზიდენტისგან უკრაინის სახელმწიფო ჯილდოს მიღება.

„დიდი პატივი იყო ჩემთვის დღეს ვილნიუსში უკრაინის პრეზიდენტისგან უკრაინის სახელმწიფო ჯილდოს მიღება. ლიეტუვა რუსეთის ტერორის წინააღმდეგ გმირულ წინააღმდეგობაში უკრაინის უძლიერეს მხარდამჭერთა შორის დგას და კვლავაც იქნება. ჩვენი სამუშაო არ დასრულდება, ვიდრე აგრესორი არ შეჩერდება და არ დამარცხდება. უკრაინის უსაფრთხოება ევროპის უსაფრთხოებაა“, - აცხადებს კიასტუტის ბუდრისი.