ისრაელის პრემიერ-მინისტრ ბენიამინ ნეთანიაჰუს ოფისის განცხადებით, ისრაელი ღაზასა და ეგვიპტეს შორის რაფაჰის გადასასვლელს ხელახლა გახსნის მას შემდეგ, რაც გარდაცვლილი მძევლის, სერჟანტი რან გვილის ცხედრის მოსაძებნად დაწყებულ ოპერაციას დაასრულებს, - ინფორმაციას The Times of Israel-ი ავრცელებს.

ნეთანიაჰუს ადმინისტრაციის განცხადებაში არ არის მითითებული კონკრეტული ვადები, თუ რამდენ ხანს გაგრძელდება ისრაელის თავდაცვის ძალების მიერ კვირას დაწყებული ოპერაცია, თუმცა ამერიკელმა ოფიციალურმა პირმა The Times of Israel-ს განუცხადა, რომ ვაშინგტონის ვარაუდით, ძებნა რამდენიმე დღის განმავლობაში გაგრძელდება.

ცნობისთვის, ისრაელის თავდაცვის ძალებმა კვირა საღამოს დაადასტურეს, რომ გვილის ცხედარს ღაზის სექტორის ჩრდილოეთით მდებარე სასაფლაოზე ეძებენ.