გაფართოება კვიპროსის თავმჯდომარეობის მთავარი პრიორიტეტია. სწორედ ახლა არის იმპულსი გაფართოებისთვის, რომ ევროკავშირმა თავისი მოვალეობა შეასრულოს, - ამის შესახებ ევროკავშირის საბჭოს თავმჯდომარე ქვეყნის, კვიპროსის ევროპის საკითხთა მინისტრის მოადგილემ, მარილენა რაუნამ „ევროსკოპს“ განუცხადა.

„ევროკავშირი ასრულებს მოვალეობას, როდესაც ჩვენი პარტნიორებიც ასრულებენ მოვალეობას. კანონის უზენაესობა, დემოკრატიული სტანდარტები, ფუნდამენტური უფლებებისა და თავისუფლებების პატივისცემა არის მთავარი წინაპირობა ჩვენი პარტნიორებისთვის იმისთვის, რომ გაფართოების დღის წესრიგში პროგრესი ჰქონდეთ. სწორედ ამას ველით საქართველოს შემთხვევაშიც. ძალიან მნიშვნელოვანია შენარჩუნდეს მეზობელი ქვეყნის ევროპული პერსპექტივა,“ - აღნიშნა მარილენა რაუნამ.

კვიპროსმა ევროკავშირის საბჭოს თავმჯდომარეობა 1-ელ იანვარს, 6 თვით გადაიბარა.