რუსეთი სამხრეთ კავკასიაში მნიშვნელოვან მოთამაშედ რჩება, თუმცა მისი გავლენა შემცირდა. მან დაკარგა სომხეთსა და აზერბაიჯანს შორის კონფლიქტის გარე მარეგულირებლის პოზიცია და რუსეთთან ორივე ქვეყნის ურთიერთობა შესუსტდა. მეორეს მხრივ, საქართველო რუსეთს პოლიტიკურად უფრო მეტად დაუახლოვდა, - ამის შესახებ ფინეთის სამხედრო დაზვერვის 2026 წლის მიმოხილვაშია აღნიშნული.

დოკუმენტის თანახმად, რუსეთის მთავარი მიზანი - გლობალური გავლენის გაზრდა - უცვლელი დარჩა. მისი რეჟიმი დასავლურ ლიბერალურ დემოკრატიას საფრთხედ მიიჩნევს და ცდილობს დასავლეთის დასუსტებას უკრაინაში ომის, სხვა კონფლიქტებისა და ინსტრუმენტებად მტრული ჰიბრიდული გავლენის გამოყენებით.

„რუსეთის ყურადღება ყოფილი საბჭოთა კავშირის ტერიტორიაზეა გადატანილი, განსაკუთრებით კი უკრაინაში მიმდინარე ომზე, რომელსაც ის სხვა მიზნების ხარჯზე წინ მიიწევს. რუსეთი სამხრეთ კავკასიაში მნიშვნელოვან მოთამაშედ რჩება, თუმცა მისი გავლენა შემცირდა. მან დაკარგა სომხეთსა და აზერბაიჯანს შორის კონფლიქტის გარე მარეგულირებლის პოზიცია და ორივე ქვეყნის ურთიერთობა რუსეთთან შესუსტდა. მეორეს მხრივ, საქართველო პოლიტიკურად რუსეთს უფრო მეტად დაუახლოვდა. ბელარუსი კვლავ მკაცრად კონტროლდება რუსეთის მიერ. მიუხედავად იმისა, რომ 2025 წლის შემოდგომაზე მოლდოვაში საპარლამენტო არჩევნებში პროევროპულმა მხარემ გაიმარჯვა, რუსეთი აგრძელებს ძალისხმევას, გაზარდოს თავისი პოლიტიკური გავლენა ქვეყანაში ჰიბრიდული გავლენის მეთოდების გამოყენებით და დნესტრისპირეთის სეპარატისტულ რეგიონში გაყინული კონფლიქტის გამოყენებით“, - აღნიშნულია დოკუმენტში.