ვიქტორ ორბანი საფრთხეა უნგრელი ხალხისთვის, დიპლომატიური “ყურადღების არმიქცევის” პერიოდი დასრულდა. ამის შესახებ უკრაინის საგარეო საქმეთა მინისტრმა, ანდრეი სიბიგამ უკრაინულ გამოცემა “ევროპეისკაია პრავდასთან” ინტერვიუში განაცხადა.

სიბიგას განცხადება ჟურნალისტის კომენტარს მოჰყვა, რომ უკრაინის მთავრობის ბოლო დროის განცხადებები შთაბეჭდილებას ტოვებს, თითქოს ისინი უნგრეთის ამჟამინდელ მთავრობასთან “ხიდებს წვავენ”.

“არა, უბრალოდ დიპლომატიური “ყურადღების არმიქცევის” პერიოდი დასრულდა. მტკიცე რეაგირებას მოვახდენთ ჩვენი ქვეყნის, ჩვენი ერის, სახელმწიფოს ლიდერების მიმართ ნებისმიერ არამეგობრულ გამოვლენაზე. ასე რომ, ჩემი განცხადებები ანარეკლია, პასუხია უნგრული მხარის არამეგობრულ ნაბიჯებზე.

საჭიროა ყველაფერს თავისი სახელი დავარქვათ. უნგრეთი ერთადერთი დაბრკოლებაა ევროკავშირში უკრაინის გაწევრიანებისთვის. მეტიც, მჯერა, რომ უნგრეთის პრემიერ-მინისტრი საფრთხეა თავისი ხალხისთვის…

ასევე, კატეგორიულად ვეწინააღმდეგებით ანტი-უკრაინულ რიტორიკას, რომელიც ისმის, და შიდა პოლიტიკურ დისკურსში უკრაინის ჩათრევის მცდელობას. პირიქით, ვხედავთ, რომ ხელოვნურად გვქმნიან ფაქტორად საარჩევნო კამპანიაში”, - განაცხადა სიბიგამ.