უკრაინაში ბრძოლის ველზე არსებული სიტუაციის შესახებ რუსეთის განცხადებების მიუხედავად, მონაცემები აჩვენებს, რომ რუსეთი მინიმალური მიღწევებისთვის უჩვეულო ფასს იხდის, - ამის შესახებ ამერიკული ანალიტიკური ცენტრის, „სტრატეგიული და საერთაშორისო კვლევების ცენტრის“ კვლევაშია აღნიშნული.

ორგანიზაციის ანალიტიკოსები აცხადებენ, რომ 2022 წლის თებერვლიდან მოყოლებული, რუსეთის მხრიდან ომში 1.2 მილიონი ადამიანი დაიღუპა, დაიჭრა და უგზო-უკვლოდ დაიკარგა. ამ მონაცემებიდან მხოლოდ დაღუპულთა რაოდენობა თითქმის 325 000 ადამიანს შეადგენს.

„სტრატეგიული და საერთაშორისო კვლევების ცენტრის“ ინფორმაციით, მნიშვნელოვანი დანაკარგები განიცადეს უკრაინულმა ძალებმაც. უკრაინის მხრიდან ომში დაღუპულთა რაოდენობა 100 000-140 000 ადამიანს შეადგენს. დაღუპულთა, დაჭრილთა და უგზო-უკვლოდ დაკარგულთა საერთო რაოდენობა კი 500 000-600 000-ია.

„რუსეთისა და უკრაინის ჯამური დანაკარგები, შესაძლოა, 1.8 მილიონი იყოს და 2026 წლის გაზაფხულისთვის, შესაძლოა, ორ მილიონს მიაღწიოს“, - აცხადებენ ორგანიზაციაში.