ირანელი ხალხის მშვიდობიანი აჯანყების სასტიკი რეპრესირება უპასუხოდ არ დარჩება, საფრანგეთი მხარს დაუჭერს “ისლამური რევოლუციის გუშაგთა კორპუსის” ტერორისტულ ორგანიზაციად გამოცხადებას. ამის შესახებ საფრანგეთის საგარეო საქმეთა მინისტრი, ჟან-ნოელ ბარო სოციალურ ქსელში წერს.

,,ირანი: არ შეიძლება დაუსჯელობა იყოს.

არ შეიძლება ირანელი ხალხის მშვიდობიანი აჯანყების სასტიკი რეპრესირება უპასუხოდ დარჩეს. არ შეიძლება, რომ არაჩვეულებრივი სიმამაცე, რომელიც მათ ბრმა ძალადობის წინაშე გამოიჩინეს ამაო იყოს.

ჩვენს ევროპელ პარტნიორებთან ერთად ხვალ ბრიუსელში სანქციებს მივიღებთ მათ წინააღმდეგ, ვინც ამ დარღვევებზეა პასუხისმგებელი. მათ აეკრძალებათ ევროპის ტერიტორიაზე შესვლა და მათი აქციები გაიყინება.

საფრანგეთი მხარს დაუჭერს ,,ისლამური რევოლუციის გუშაგთა კორპუსის” ევროკავშირის ტერორისტული ორგანიზაციების სიაში შეტანას.

რეჟიმმა დაუყოვნებლივ უნდა გაათავისუფლოს პატიმრები, დაასრულოს სიკვდილით დასჯა, გააუქმოს ციფრული ბლოკადა და საშუალება მისცეს გაერო-ს ადამიანის უფლებათა საბჭოს ფაქტების საძიებო მისიას გამოიძიოს ირანში ჩადენილი დანაშაულები”,-წერს ბარო.