კირ სტარმერი პეკინში სი ძინპინს შეხვდა, - ინფორმაციას The Guardian-ი ავრცელებს.

დიდი ბრიტანეთის პრემიერ-მინისტრმა, კირ სტარმერმა ჩინეთის პრეზიდენტს, სი ძინპინს განუცხადა, რომ პეკინში დიდი ბრიტანეთის პრემიერ-მინისტრის ბოლო ვიზიტის შემდეგ დიდი დრო გავიდა.

„ჩინეთი გლობალურ ასპარეზზე მნიშვნელოვანი მოთამაშეა, ამიტომ მნიშვნელოვანია, რომ უფრო თანამედროვე ურთიერთობა ავაშენოთ“, - განაცხადა კირ სტარმერმა.

ჩინეთის პრეზიდენტმა, სი ძინპინმა კირ სტარმერთან შეხვედრაზე აღნიშნა, რომ მხარეებს შორის კავშირები უნდა გაძლიერდეს.

„ამჟამინდელი საერთაშორისო ვითარება რთულია. როგორც გაერო-ს უშიშროების საბჭოს მუდმივმა წევრებმა და მნიშვნელოვანმა გლობალურმა ეკონომიკებმა, ჩინეთმა და დიდმა ბრიტანეთმა დიალოგი და თანამშრომლობა უნდა გააძლიერონ. ჩინეთი მზად არის, დიდ ბრიტანეთთან გრძელვადიანი და თანმიმდევრული სტრატეგიული პარტნიორობა განავითაროს“, - აღნიშნა სი ძინპინმა.

შეგახსენებთ, კირ სტარმერი ჩინეთში გუშინ ჩავიდა. ეს ჩინეთში 2018 წლის შემდეგ დიდი ბრიტანეთის პრემიერ-მინისტრის პირველი ვიზიტია.