“ძლიერი საქართველო-ლელოს” წყალტუბოს ორგანიზაციის თავმჯდომარემ, თედო ჭოლაძემ საკრებულოს სხდომაზე მუნიციპალიტეტის სოფლების წინაშე არსებულ ინფრასტრუქტურულ პრობლემებზე ისაუბრა.

თედო ჭოლაძის განცხადებით, წყალტუბოს სოფლების წინაშე სერიოზული ინფრასტრუქტურული და ყოფითი პრობლემებია, სოფლის უმეტესობას არ აქვს: გარე განათება; არ მიეწოდება ან შეფერხებით მიეწოდება სასმელი წყალი; შიდასასოფლო გზები უმძიმეს მდგომარეობაშია.

მან ამ „გაუსაძლისი მდგომარეობის“ მაგალითად სოფელი ქვიტირი მოიყვანა, სადაც სამი პრობლემა „წლებია ერთდროულად დგას მოსახლეობის წინაშე“.

“ქვიტირის წინაშე არსებული პრობლემები უბრალოდ წარმოუდგენელია იდგეს განვითარებული ქვეყნის სინამდვილეში, მაგრამ ეს განგაშის მიზეზი არც ცენტრალური და არც ადგილობრივი ხელისუფლებისთვის არ ხდება”, - განაცხადა თედო ჭოლაძემ.