სუნიტი მუსლიმები ბარაათის ღამეს აღნიშნავენ
დღეს სუნიტი მუსლიმები ცოდვების მიტევების, ბარაათის ღამეს აღნიშნავენ.
ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.
„ეს მუსლიმთათვის ერთ-ერთი ყველაზე პატივსაცემი და მნიშვნელოვანი, ცოდვებისგან გათავისუფლების, და მიტევების ღამეა, ამიტომაც მორწმუნენი მას ლოცვასა და ყურანის კითხვაში ატარებენ და ღვთის შეწევნასა და პატიებას ითხოვენ. რელიგიის საკითხთა სახელმწიფო სააგენტო საქართველოს მუსლიმ თემს ულოცავს ბარაათის ღამეს, სიკეთეს და სიხარულს უსურვებს მათ“, - ნათქვამია ინფორმაციაში.
