გერმანიაში, გაფიცვის გამო, ავტობუსების, ტრამვაის და მეტროს მატარებლების მოძრაობა შეჩერდა, - ინფორმაციას Deutsche Welle ავრცელებს.

გამოცემის ცნობით, გაფიცვა საჯარო სამსახურის მუშაკთა გაერთიანებული პროფკავშირის, Ver.di-ს, ორგანიზებით იმართება.

ადგილობრივი საზოგადოებრივი ტრანსპორტი ფუნქციონირებას მხოლოდ ქვემო საქსონიაში აგრძელებს, რადგან დაახლოებით 5 000 თანამშრომელმა და პროფკავშირმა აიღო ვალდებულება, არ გაიფიცონ, სანამ სატარიფო ხელშეკრულება ძალაში დარჩება.

პროფკავშირი მოითხოვს თანამშრომლებისთვის სამუშაო პირობების გაუმჯობესებას. კერძოდ, ეს მოიცავს შაბათ-კვირას სამუშაო საათების შემცირებას, უფრო მოკლე ცვლებს, უფრო ხანგრძლივ შესვენებებს და ღამის და შაბათ-კვირის სამუშაოსთვის დანამატის გაზრდას.

ბავარიის, ბრანდენბურგის, ზაარლანდის და თიურინგიის ფედერალურ მიწდებზე პროფკავშირი ასევე ხელფასების გაზრდას ითხოვს. იგივე მოთხოვნას უყენებენ ჰამბურგში მდებარე სატრანსპორტო კომპანია Hamburger Hochbahn-საც.