ეუთო-ს მოქმედ თავმჯდომარესა და გენერალურ მდივანს რუსეთის მასშტაბური იერიშების შესახებ ვაცნობე, - ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს.

„ეუთო-ს მოქმედ თავმჯდომარეს, შვეიცარიის ვიცე-პრეზიდენტსა და საგარეო საქმეთა მინისტრს იგნაციო კასისს, ასევე ეუთო-ს გენერალურ მდივანს ფერიდუნ სინირლიოღლუს შევხვდი. დიპლომატია და მიმდინარე კვირაში დაგეგმილი სამმხრივი შეხვედრების მოლოდინები განვიხილეთ. ასევე, უკრაინასა და ეუთო-ს შორის თანამშრომლობის შესაძლო ფორმატებზე ვისაუბრეთ“, - წერს ზელენსკი X-ზე.

ეუთო-ს პრესსამსახურის ცნობით, კიევში ვიზიტის ფარგლებში ორგანიზაციის მოქმედმა თავმჯდომარემ და გენერალურმა მდივანმა საერთაშორისო სამართალზე დაფუძნებული სამართლიანი და ხანგრძლივი მშვიდობის მიმართ ეუთო-ს მხარდაჭერა დაადასტურეს.

„მათ ხაზი გაუსვეს ორგანიზაციის მზადყოფნას, იმოქმედოს ყველგან, სადაც საერთაშორისო ჩართულობა საჭირო იქნება, რთულ კონფლიქტურ სიტუაციებში ეუთო-ს მრავალწლიანი გამოცდილების საფუძველზე“, - აცხადებს ეუთო.