„რესპუბლიკელებმა“ ხმის მიცემის ნაციონალიზაცია უნდა მოახდინონ, - ამის შესახებ აშშ-ის პრეზიდენტმა, დონალდ ტრამპმა განაცხადა.

დონალდ ტრამპის განცხადებით, „აშშ-ში ადამიანები ხმის მიცემის მიზნით ჩაიყვანეს და ისინი ხმას არალეგალურად აძლევენ“.

„მათ, „რესპუბლიკელებმა“ უნდა თქვან: ჩვენ კონტროლი უნდა მოვიპოვოთ. ჩვენ, სულ მცირე, 15 შტატში ხმის მიცემაზე კონტროლი უნდა ავიღოთ“, - განაცხადა ტრამპმა.

მისი თქმით, „საოცარია, რომ „რესპუბლიკელები“ აღნიშნულ საკითხზე უფრო მკაცრად არ მოქმედებენ“.

„შტატები გვაქვს, სადაც თაღლითობა ხდება. შტატებია, სადაც მე მოვიგე, მაგრამ აჩვენებენ, რომ მე არ მომიგია“, - აღნიშნა აშშ-ის პრეზიდენტმა.

ცნობისთვის, აშშ-ის კონსტიტუციის თანახმად, ქვეყანაში არჩევნების ორგანიზებასა და ჩატარებას შტატები ახდენენ.