ვენესუელის პრეზიდენტის მოვალეობის შემსრულებელი აშშ-ის დიპლომატიურ წარმომადგენელს შეხვდა, - ინფორმაციას Reuters-ი ავრცელებს.

ვენესუელის მთავრობის ცნობით, ქვეყნის პრეზიდენტის მოვალეობის შემსრულებელი დელსი როდრიგესი კარაკასში აშშ-ის დიპლომატიურ წარმომადგენელს ლორა დოგუს შეხვდა და მათ „ვენესუელის ბოლივარულ რესპუბლიკასა და აშშ-ს შორის არსებული სამუშაო დღის წესრიგი“ განიხილეს.

ვენესუელაში აშშ-ის საელჩომ განაცხადა, რომ ლორა დოგუმ ვენესუელელ ოფიციალურ პირებთან შეხვედრაზე „აშშ-ის სახელმწიფო მდივნის, მარკო რუბიოს მიერ ვენესუელასთან დაკავშირებით ჩამოყალიბებული სამი ფაზა გაიმეორა: სტაბილიზაცია, ეკონომიკური აღდგენა და ძალაუფლების გადაცემა“.

ასევე, ვენესუელის საგარეო საქმეთა მინისტრმა, ივან გილმა სახელმწიფო ტელევიზიასთან საუბარში აღნიშნა, რომ მხარეებმა „ენერგეტიკული, სავაჭრო, პოლიტიკური და ეკონომიკური საკითხების შესახებ ისაუბრეს“.