სააპელაციო სასამართლოს მოსამართლე პაატა სილაგაძემ, ზვიად ცეცხლაძისა და კიდევ 7 პირის საქმეზე, BBC-ის საგამოძიებო სიუჟეტის დართვასთან დაკავშირებით შუამდგომლობა არ დააკმაყოფილა
თბილისის სააპელაციო სასამართლოს მოსამართლე პაატა სილაგაძემ, ზვიად ცეცხლაძისა და კიდევ 7 პირის საქმეზე, BBC-ის საგამოძიებო სიუჟეტის დართვასთან დაკავშირებით შუამდგომლობა არ დააკმაყოფილა.
აღნიშნული შუამდგომლობა დაცვის მხარემ დააყენა.
მათი თქმით, საგამოძიებო სიუჟეტი ასახავს საქართველოში 2024 წლის ნოემბერ-დეკემბერში გამართული საპროტესტო აქციების დროს, აქციის მონაწილეების წინააღმდეგ საპოლიციო ძალების მხრიდან, სავარაუდოდ ნივთიერება - „კამიტეს“ გამოყენებას. მათივე შეფასებით, თუ აღნიშნული ფაქტი დადასტურდება, საბოლოო ჯამში გამოვა, რომ დაკავებული პირები დაზარალებულები იქნებიან.
აღნიშნულ შუამდგომლობას არ დაეთანხმნენ პროკურორები და განაცხადეს, რომ აღნიშნულო სიუჟეტი ჟურნალისტური გამოძიების ფარგლებში მომზადდა, ამიტომ საქმეს არ უნდა დაერთოს.
ასევე, აღნიშნულ შუამდგომლობასთან დაკავშირებით ისაუბრა მსჯავრდებულმა, ვეფხია კასრაძემ.
„ისეთი სიმპტომები მქონდა, რომ მხედველობაც დამიქვეითდა, ბავშვებიც დამეწამლა, რომლებიც სოფელში მიმყავდა. დაეწყოთ პირღებინება. მაშინ ვერ მივხვდი, რაში იყო საქმე, შემდეგ კი გაირკვა ყველაფერი თუ საიდან გამომდინარეობდა“, - განაცხადა ვეფხია კასრაძემ.
მოსამართლე პაატა სილაგაძემ კი აღნიშნულ შუამდგომლობასთან დაკავშირებით ბრალდების პოზიცია გაიზიარა და შუამდგომლობა არ დააკმაყოფილა.
