იაპონია უკრაინისთვის იარაღის შესაძენად ნატო-ს პროგრამას შეუერთდება, - ინფორმაციას იაპონიის საზოგადოებრივი მაუწყებელი NHK-ი ნატო-ს ოფიციალურ პირებზე დაყრდნობით ავრცელებს.

ნატო-ს მაღალჩინოსნებმა NHK-ის განუცხადეს, რომ იაპონიის მთავრობა უახლოეს მომავალში ოფიციალურად შეუერთდება ნატო-ს PURL (უკრაინის პრიორიტეტული მოთხოვნების სია) მექანიზმს, რომელიც უკრაინისთვის ამერიკული იარაღის შეძენასა და გადაცემას ითვალისწინებს.

ოფიციალურ პირების ცნობით, იაპონია თანხებს მხოლოდ არალეტალური აღჭურვილობისთვის გამოყოფს, კერძოდ სარადარო სისტემებისთვის და ჯავშანჟილეტებისთვის.

იაპონიის მთავრობამ გადაწყვეტილების შესახებ ნატო-ს რამდენიმე წევრ სახელმწიფოსა და უკრაინას უკვე აცნობა.