აშშ-ის ენერგეტიკის მდივანი ვენესუელის პრეზიდენტის მოვალეობის შემსრულებელს შეხვდა, - ინფორმაციას France 24 ავრცელებს.

აშშ-ის ენერგეტიკის მდივანი, კრის რაიტი ვენესუელის პრეზიდენტის მოვალეობის შემსრულებელს, დელსი როდრიგესს კარაკასში შეხვდა და პირობა დადო, რომ ქვეყანაში ნავთობის წარმოების დონე გაიზრდება.

კრის რაიტმა როდრიგესთან შეხვედრის შემდეგ განაცხადა, რომ აშშ-ს სურს „ვენესუელელი ხალხი და ვენესუელის ეკონომიკა თავისუფალი იყოს“.

„მჯერა, რომ მნიშვნელოვან ცვლილებებს ვნახავთ, როგორც ვენესუელასა და აშშ-ს შორის ურთიერთობაში, ისე ჩვენი ნახევარსფეროს ბიზნესისა და ვაჭრობის სფეროებში“, - აღნიშნა აშშ-ის ენერგეტიკის მდივანმა.