ილიას სახელმწიფო უნივერსიტეტთან შეკრებილი სტუდენტები მარშით რუსთაველის გამზირისკენ მიემართებიან.

როგორც სტუდენტები აცხადებენ, ისინი აპირებენ პარლამენტის შენობასთან მისვლას, სადაც, მათი თქმით, სპორტსმენები და ძალოვანი უწყების წარმომადგენლები სხედან.

შეკრებილი სტუდენტების მოთხოვნაა, განათლებისა და მეცნიერების სამინისტრომ დაანონსებული განათლების რეფორმა უკან გაიწვიოს.

მარშის მონაწილეებს გაშლილი აქვთ ბანერი წარწერით “სტუდენტების წინააღმდეგობა გარდაუვალია”. ისინი ასევე სკანდირებენ :“არ დავთმობთ!”.