„რამშტაინის” შედეგად პარტნიორებმა უკრაინის მხარდაჭერისთვის ერთ-ერთი უდიდესი ბიუჯეტი დაამტკიცეს - 38 მილიარდი აშშ დოლარი 2026 წლისთვის. ამის შესახებ უკრაინის თავდაცვის მინისტრი, მიხაილ ფედოროვი სოციალურ ქსელში წერს.

„რამშტაინის” შედეგად პარტნიორებმა უკრაინის მხარდაჭერისთვის ერთ-ერთი უდიდესი ბიუჯეტი დაამტკიცეს - 38 მილიარდი აშშ დოლარი 2026 წლისთვის. 6 მილიარდზე მეტი დახმარების კონკრეტულ პაკეტებშია, მათ შორის 2.5 მილიარდზე მეტი უკრაინული დრონებისთვის, 500 მილიონზე მეტი PURL-ისთვის, 2 მილიარდი საჰაერო თავდაცვაზე, და ასევე საარტილერიო საბრძოლო მასალაზე, მომზადებაზე, საზღვაო შესაძლებლობებსა და სხვა მიმართულებებზე,” - წერს ფედოროვი.

მისი თქმით, უკრაინა რიგ ევროპელ პარტნიორებთან შეთანხმბდა, რომ მათ თავისი საწყობებიდან სასწრაფოდ მიაწოდონ უკრაინას რაკეტები Patriot სისტემებისთვის. ფედოროვი აღნიშნავს, რომ მათი საბოლოო რაოდენობა შესაბამისი ქვეყნების მთავრობებთან საბოლოო შეთანხმების შემდეგ იქნება ცნობილი.