უკრაინა კვირას ღამით კრასნოდარის მხარეს დრონებით თავს დაესხა, რის შედეგად ხანძარი გაჩნდა და ორი ადამიანი დაშავდა,

- ამის შესახებ რეგიონის გუბერნატორმა ვენიამინ კონდრატიევმა განაცხადა.

„ზიანი დაფიქსირდა ტემრიუკის რაიონის სოფელ ვოლნაში, სოჭში და ანაპის სოფელ იუროვკაში. ყველაზე სერიოზული მდგომარეობა სოფელ ვოლნაშია. იქ დაზიანდა ნავთობის შესანახი ავზი, საწყობი და ტერმინალები“, - დაწერა კონდრატიევმა „ტელეგრამ“ არხზე.

როგორც კონდრატიევი აღნიშნავს, ამჟამად არსებული ინფორმაციით, ორი ადამიანი დაშავდა - ისინი საავადმყოფოში გადაიყვანეს და საჭირო დახმარებას უწევენ.

კონდრატიევის თქმით, რეგიონში ხანძარს 120-ზე მეტი მეხანძრე ებრძვის.