ირანის საგარეო საქმეთა მინისტრი აბას არაღჩი ჟენევაში დღეს ატომური ენერგიის საერთაშორისო სააგენტოს (IAEA) გენერალურ დირექტორს რაფაელ გროსის შეხვდება.

„ორშაბათს, ბირთვული ექსპერტების თანხლებით, შევხვდები რაფაელ გროსის ტექნიკური საკითხების სიღრმისეული განხილვისთვის“, - წერს არაღჩი სოციალურ ქსელში.

მისი თქმით, ასევე გეგმავს ომანის საგარეო საქმეთა მინისტრ ბადრ ალ-ბუსაიდთან შეხვედრას აშშ-სთან დიპლომატიური მოლაპარაკებების გამართვამდე.

„ჟენევაში ვიმყოფები სამართლიანი და თანასწორი შეთანხმების მიღწევის რეალური იდეებით. რა არ დევს მაგიდაზე: დამორჩილება მუქარის წინაშე“, - წერს ირანის საგარეო უწყების ხელმძღვანელი.