საფრანგეთში უკრაინის მოწვევით „ენერგეტიკული რამშტაინის“ შეხვედრა გაიმართება, - ინფორმაციას უკრაინის პრეზიდენტი, ვოლოდიმირ ზელენსკი ავრცელებს.

ვოლოდიმირ ზელენსკის ცნობით, უკრაინის ენერგეტიკული სექტორის მხარდასაჭერად საფრანგეთში „რამშტაინის“ ფორმატში შეხვედრა მიმდინარე კვირაში გაიმართება.

საფრანგეთში დაგეგმილი შეხვედრის წინ, ვოლოდიმირ ზელენსკის ანგარიში უკრაინის ენერგეტიკის მინისტრმა, დენის შმიგალმა წარუდგინა.

„კონკრეტული საჭიროებები გამოვყავით და მინისტრი სწორედ ამ მხარდაჭერის პაკეტებზე გაამახვილებს ყურადღებას“, - წერს ზელენსკი „ტელეგრამის“ არხზე.

შეხვედრაში მონაწილეობას მიიღებენ „დიდი შვიდეულის“ ქვეყნების, ჩრდილოეთ ევროპისა და ბალტიისპირეთის ქვეყნების, ასევე, აშშ-ის, კანადისა და ევროკავშირის წარმომადგენლები.