რუსეთის პოზიციის გამო მოკლევადიან პერსპექტივაში უკრაინაში ომის დასრულება ნაკლებად სავარაუდოა, - ამის შესახებ ჩეხეთის პრეზიდენტმა, პეტრ პაველმა განაცხადა.

„თუ ვინმეს მოლოდინი ჰქონდა, რომ უკრაინას, ევროპის ქვეყნებს, აშშ-სა და რუსეთს შორის შეთანხმების მიღწევა მოკლევადიან პერსპექტივაში შესაძლებელი იქნებოდა, ეს ნამდვილად გულუბრყვილობას წარმოადგენდა. ფაქტი, რომ უკრაინის, ევროპისა და აშშ-ის პოზიციები დაახლოვდა უკვე დიდი წარმატებაა“, - განაცხადა პეტრ პაველმა.

მისი თქმით, რუსეთს კომპრომისზე წასვლის მზადყოფნა ჯერ კიდევ არ გამოუვლენია.

„მას ჯერ კიდევ მაქსიმალისტური მიზნები აქვს, რომელიც უკრაინაზე შეზღუდვების დაწესებას და უკრაინის მომავალს, კერძოდ მის ტერიტორიებს ეხება. ამიტომ, რუსეთზე პოლიტიკური, ფინანსური და ეკონომიკური ზეწოლის შენარჩუნება მნიშვნელოვანია. ასევე, დიდი მნიშვნელობა აქვს უკრაინის მხარდაჭერის გაგრძელებას, რათა მოლაპარაკებებში ნაკლებად ხელსაყრელ პოზიციაში არ აღმოჩნდნენ“, - აღნიშნა ჩეხეთის პრეზიდენტმა.