პარტნიორებმა ძალიან ბევრი ლაპარაკი იციან დემოკრატიაზე, მაგრამ ზოგიერთს არ შეუძლია არჩევნების შედეგების პატივისცემა, - ამის შესახებ სლოვაკეთის საგარეო საქმეთა მინისტრმა, იურაი ბლანარმა ქართველ კოლეგასთან, მაკა ბოჭორიშვილთან ერთობლივი პრესკონფერენციისას განაცხადა.

იურაი ბლანარის თქმით, ეუთო-მ მცირე დარღვევები კი დააფიქსირა, მაგრამ პარტნიორების ვალდებულებაა, პატივი სცენ არჩევნების შედეგებს.

„მიუხედავად იმისა, რომ საქართველოში ყველა კანონის დაცვით ჩატარდა არჩევნები, ზოგიერთს უნდოდა, რომ არჩევნები გამეორებულიყო. ეუთო-მ მცირე დარღვევები კი დააფიქსირა, მაგრამ ჩვენი ვალდებულებაა, პატივი ვცეთ არჩევნების შედეგებს. ეს დიალოგისთვის პოზიტიური არ არის. ჩვენთანაც იგივე სიტუაცია იყო. არჩევნები როდესაც მოვიგეთ, ქუჩებში ხალხი იყო გამოსული იმ მიზეზით, რომ არჩევნები ჩატარდა არასამართლიანად“, – განაცხადა იურაი ბლანარმა.

მომზადებულია სინქრონული თარგმანის მიხედვით.