უკრაინის პრეზიდენტი, ვოლოდიმირ ზელენსკი ამერიკელ სენატორებს შეხვდა.

„სენატორებს რიჩარდ ბლუმენტალსა და შელდონ უაითჰაუსს ორპარტიული მტკიცე მხარდაჭერისა და მშვიდობისთვის მუშაობისთვის მადლობა გადავუხადე. ჩვენს შეხვედრამდე სენატორები უკრაინის მიერ რუსეთიდან დაბრუნებულ ბავშვებს შეხვდნენ“, - წერს უკრაინის პრეზიდენტი X-ზე.

მისი თქმით, მოსკოვზე გავლენის მოხდენის საუკეთესო საშუალებას ზეწოლა წარმოადგენს.

„ამჟამად სენატში მნიშვნელოვანი სანქციების აქტია და ველით, რომ იგი იმუშავებს. სამართლიანია, რომ რუსული ფული ტერორისგან დასაცავად იქნას გამოყენებული და ჩვენ Patriot-ის სისტემებისთვის რაკეტების შესაძენად გაყინული რუსული აქტივების გამოყენების საკითხი განვიხილეთ. მადლობა პრეზიდენტს, კონგრესსა და ამერიკელ ხალხს მათი მხარდაჭერისთვის“, - აცხადებს ზელენსკი.