დიდი ბრიტანეთის პრემიერ-მინისტრის, კირ სტარმერის განცხადებით, დიდი ბრიტანეთის მთავრობა ბავშვების სოციალურ მედიაზე წვდომასთან დაკავშირებით კანონმდებლობის მიღებას გეგმავს.

„ზოგიერთი ამბობს, რომ სოციალურ მედიაზე წვდომა 16 წლამდე ასაკის ყველა ბავშვს აეკრძალოს. სხვები ამბობენ, რომ ეს ბავშვებს კიდევ უფრო ბნელი ადგილებისკენ უბიძგებს. დღეს ახალგაზრდებს შევხვდი და მითხრეს, რომ ისინი ახალ ამბებს სოციალური მედიიდან იგებენ და ეს ახალ ამბებზე წვდომაში მათ ხელს შეუშლის. ამიტომ ეს ყველაფერი დეტალურად უნდა განვიხილოთ“, - განაცხადა კირ სტარმერმა.

დიდი ბრიტანეთის პრემიერ-მინისტრის თქმით, გადაწყვეტილების მიღება შესაძლოა რამდენიმე თვეში მოხდეს, მაგრამ ეს 16 წლამდე ასაკის ბავშვებისთვის სოციალურ მედიაზე წვდომის სრულად აკრძალვას არ ნიშნავს.

ასევე, სტარმერმა აღნიშნა, რომ კანონმდებლობა ხელოვნური ინტელექტის ჩატ-ბოტების წინააღმდეგ შეზღუდვებს გაითვალისწინებს.

ცნობისთვის, დეკემბერში ავსტრალია გახდა პირველი ქვეყანა, რომელმაც 16 წლამდე ასაკის ბავშვებისთვის სოციალური მედია აკრძალა.