რუსეთის საოკუპაციო ძალებმა ოდესაზე თავდასხმა განახორციელეს, რის შედეგადაც სამოქალაქო ინფრასტრუქტურა დაზიანდა და ორი ადამიანი დაშავდა, - ინფორმაციას უკრაინული მედია ოდესის საქალაქო-სამხედრო ადმინისტრაციის ხელმძღვანელზე სერგეი ლისაკზე დაყრდნობით ავრცელებს.

„მტერმა ოდესაზე თავდასხმა განახორციელა. თავდასხმამ ინფრასტრუქტურა და სამოქალაქო შენობები დააზიანა. ერთ-ერთ რაიონში საცხოვრებელი კორპუსის ზედა სართულებზე ხანძარი გაჩნდა. მეორეში კი მაღაზია და ავტოგასამართი სადგური დაზიანდა. ვრცელდება ინფორმცია ორი დაშავებულის შესახებ “, - აღნიშნა ლისაკმა.

მისი თქმით, დარტყმის ადგილზე ყველა შესაბამისი სამსახური მუშაობს.

მანამდე ცნობილი გახდა, რომ რუსეთის მხრიდან თავდასხმის საფრთხის გამო გამოცხადებული საჰაერო თავდასხმის დროს ოდესასა და დნეპროში აფეთქებების ხმები ისმოდა.