გზის გადაკეტვის ფაქტზე გიორგი რომელაშვილსა და ილია ღლონტს 4-4-დღიანი ადმინისტრაციული პატიმრობა შეეფარდათ
გზის გადაკეტვის გამო სასამართლომ აქტივისტი გიორგი რომელაშვილი სამართალდამრღვევად ცნო და 4-დღიანი ადმინისტრაციული პატიმრობა შეუფარდა.
გადაწყვეტილება თბილისის საქალაქო სასამართლოს მოსამართლემ, დავით მაკარაძემ მიიღო. ამის შესახებ ინფორმაციას „პუბლიკა“ ავრცელებს.
შინაგან საქმეთა სამინისტრო რომელაშვილს 7 თებერვალს რუსთაველზე საავტომობილო გზის გადაკეტვას ედავებოდა.
ასევე, დღეს ტროტუარზე დგომის ფაქტზე სასამართლომ სამართალდამრღვევად ცნო ილია ღლონტი და მას 4-დღიანი ადმინისტრაციული პატიმრობა შეუფარდა. შინაგან საქმეთა სამინისტრო ღლონტს 17 დეკემბერს პარლამენტთან ტროტუარზე ქვეითთა გადაადგილებისთვის დაბრკოლების შექმნას ედავებოდა.
