ჟენევაში პროდუქტიულ მოლაპარაკებებს ველით, მაგრამ ცხადია, როგორც სახელმწიფო მდივანმა აღნიშნა, ორივე მხარემ უნდა მოძებნოს გზა, რომლითაც ისინი შეთანხმდებიან ამ ომის დასრულებაზე, - ამის შესახებ ნატო-ში შეერთებული შტატების ელჩმა მეთიუ უიტაკერი Fox News-ს განუცხადა.

მისი თქმით, ომი უნდა დასრულდეს და სისხლისღვრა უნდა შეწყდეს. ამასთან, ელჩმა ხაზი გაუსვა, რომ მოლაპარაკებებში ყველაზე რთული საკითხი ტერიტორიების საკითხია. უიტეკერმა გაიხსენა აშშ-ის პრეზიდენტის სპეციალური წარმომადგენლის, სტივ უიტკოფის სიტყვები, რომელმაც ადრე განაცხადა, რომ „ყველაფერი ერთ საკითხამდე - ტერიტორიებამდე - დადის“.

„არსებობს ძალიან რთული საკითხები, როგორც სტივ უიტკოფმა რამდენიმე კვირის წინ თქვა, სინამდვილეში ეს ერთ საკითხამდე დადის და ეს ტერიტორიებია, ეს იქნება ყველაზე რთული საკითხი და ჩვენ გავაგრძელებთ მასზე მუშაობას“, - აღნიშნა ელჩმა.