უკრაინამ ბელარუსის პრეზიდენტს ალექსანდრე ლუკაშენკოს სანქციები დაუწესა, - ინფორმაციას უკრაინის პრეზიდენტი, ვოლოდიმირ ზელენსკი სოციალურ ქსელში ავრცელებს.

„ჩვენ მნიშვნელოვნად გავაძლიერებთ საპასუხო ზომებს უკრაინელების მკვლელობაში მისი დახმარების ყველა ფორმის წინააღმდეგ. პარტნიორებთან ერთად ვიმუშავებთ, რათა ამას გლობალური ეფექტი ჰქონდეს“, - ნათქვამია განცხადებაში.

მისი თქმით, 2025 წლის მეორე ნახევარში, რუსებმა ბელარუსის ტერიტორიაზე დრონების სამართავი სისტემები განალაგეს, რის შედეგადაც უკრაინის ჩრდილოეთ რეგიონებზე თავდასხმებისთვის რუსეთის შესაძლებლობები გაიზარდა.

„უკვე დიდი ხანია ალექსანდრე ლუკაშენკო ბელარუსის სუვერენიტეტს თავისი პირადი ძალაუფლების შესანარჩუნებლად ცვლის, რუსებს ეხმარება სანქციების გვერდის ავლაში, რუსეთის ომს ამართლებს და ახლა ომის გახანგრძლივების მიზნით თავის მონაწილეობას ზრდის. ამას მნიშვნელოვანი შედეგები მოჰყვება“, - აცხადებს უკრაინის პრეზიდენტი.