იცით, რომ არსებობს ორი მიმართულება - სამხედრო და პოლიტიკური. მინდა ვთქვა, რომ სამივე მხარე კონსტრუქციული იყო სამხედრო მოლაპარაკებებში, პოლიტიკურ მოლაპარაკებებში კი ასეთი პროგრესი არ ყოფილა, - ამის შესახებ უკრაინის პრეზიდენტმა ვოლოდიმირ ზელენსკიმ ჟენევაში აშშ-ის, უკრაინისა და რუსეთის წარმომადგენლებს შორის გამართული შეხვედრის შემდეგ განაცხადა.

მისი თქმით, უკრაინულმა დელეგაციამ ორდღიანი მოლაპარაკებების შესახებ ინფორმაცია მიაწოდა.

„რაც შეეხება პოლიტიკურ კომპონენტს - ეს ყველაფერი მგრძნობიარე საკითხებია, რის შესახებაც თქვენ იცით, - ვხედავთ, რომ არის განვითარება, თუმცა პოზიციები ამ ეტაპზე განსხვავებულია, რადგან მოლაპარაკებები მარტივი არ იყო“, - აღნიშნა ზელენსკიმ.

მისი თქმით, უკრაინის დელეგაცია მოლაპარაკებების ყველა დეტალს მოგვიანებით მიაწვდის.

„ასე რომ, მოვისმინე სამხედრო ფრონტზე პროგრესის შესახებ, პოლიტიკურ ფრონტზე კი - იყო დიალოგი, შევთანხმდით წინსვლაზე, შევთანხმდით გაგრძელებაზე. მაგრამ არ მომისმენია იქ ისეთი პროგრესის შესახებ, როგორიც სამხედრო ფრონტზე“, - აღნიშნა ზელენსკიმ.