უნგრეთი უკრაინისთვის დიზელის საწვავის მიწოდებას წყვეტს, - ამის შესახებ უნგრეთის საგარეო საქმეთა მინისტრმა, პიტერ სიიარტომ განაცხადა.

პიტერ სიიარტოს განცხადებით, უნგრეთი უკრაინისთვის დიზელის საწვავის მიწოდებას წყვეტს იქამდე, ვიდრე უნგრეთისთვის „დრუჟბას“ ნავთობსადენით ნავთობის მიწოდება არ განახლდება.

„ჩვენ უკრაინაში დიზელის საწვავის გადაზიდვას ვწყვეტთ და ის არ განახლდება იქამდე, ვიდრე ნავთობის მიწოდება „დრუჟბას“ ნავთობსადენით არ განახლდება“, - განაცხადა სიიარტომ.

მისი თქმით, უკრაინის გავლით „დრუჟბას“ ნავთობსადენით ნავთობის მიწოდება ჯერ კიდევ არ განახლებულა.

„უკრაინამ პოლიტიკური არჩევანი გააკეთა. ეს წმინდა პოლიტიკური გადაწყვეტილებაა“, - აღნიშნა უნგრეთის საგარეო საქმეთა მინისტრმა.

ასევე, სიიარტოს ცნობით, უნგრულმა კომპანია MOL-მა 500 000 ტონა რუსული ნავთობი შეუკვეთა, რომლის მიღებასაც ქვეყანა ხორვატიის გავლით მარტში შეძლებს.